مين ده !!
ده مؤسس شركة نستله Nestlé المعروفه، اسمه هنري نستله و
ده بقى ليه قصة ...
تتخيل ان فكرة قيام نستله كانت بسبب مشكلة اتعرضلها جيران
رجل مغمور فى سويسرا!! المشكلة هى ان طفل الجيران كان
بيعانى من نقص فى الغذاء. و مكنش بيقبل حليب والدته. و دى
المشكلة اللى خلت هنرى نستله من اشهر رواد الأعمال فى
العالم.
ابتدت القصة سنة 1843، لما هنرى عرف يجمع فلوس و اشترى
مصنع صغير و كان عمره 29 سنة، و كان بيدرس الصيدلة و كان
بيحب جدا التجارة من خلال المساعدة فى حل مشاكل الناس ..
كان في الأول متأثر جدا بموت الأطفال الرضع اللى عندهم مشكلة
فى الرضاعة الطبيعية .. و من هنا ابتدى انه يفكر فى حل و كان
أول منتجات الشركة هو حليب مجفف من حليب البقر مخلوط مع
دقيق القمح، و نجح المنتج نجاح كبير جدا بعد لما قابل معارضه
كبيرة من الناس بتقبل فكرة حليب غير حليب الأم.
و صمم شعار الشركة اللى موجود لحد دلوقتى على شكل مأوى
للطيور (عش) و كان بيرمز للأمان، الأمومة، الحنان، الطبيعة، الغذاء،
شركة نستله بعد كده كان ليها الريادة فى منتجات كتير جدا،
فكانت
أول شركة بتنتج الغذاء للأطفال، وأول شركة بتنتج الحليب المركز
في أوروبا، وأول شركة بتصنع حليب بالشوكولاته، وأول شركة
بتنتج
القهوة المجففة (نسكافيه) وأول شركة بتنتج القهوة المثلجة و
منتجات تانية كتير.
و مرة كان هنرى نستله في حوار صحفى و قال انه واثق بأن
اكتشافه ده هيكون له مستقبل عظيم !
هو ده رائد الأعمال لما بيكون عنده رؤية و بيساعد فى حل مشاكل المجتمع
ليست هناك تعليقات:
إرسال تعليق